لاہور کے علاقے شاہدرہ میں محلے داروں میں معمولی جھگڑے کے دوران فائرنگ سے تین بھائی جاں بحق ہوگئے۔

پولیس کے مطابق شاہدرہ کے علاقے جہانگیر ٹاؤن میں معمولی بات پر محلے داروں کے مابین جھگڑا ہو گیا جس پر علی رضا نامی شخص نے مشتعل ہو کر فائرنگ کردی۔

پولیس کا بتانا ہے کہ فائرنگ کے نتیجے میں ذیشان، مقصود اور طاہر نامی تین بھائی جاں بحق ہوگئے جبکہ ملزم فرار ہوگیا۔

پولیس کے مطابق لاشوں کو مردہ خانہ منتقل کرکے ضابطے کی کارروائی شروع کردی ہے اور ملزم کی گرفتاری کے لیے بھی چھاپے مارے جارہے ہیں۔