اسلام آباد،لاہور:کورونا کیسز میں بتدریج اضافے پرپنجاب اور اسلام آباد میں تمام تعلیمی ادارے 6 سے 11 ستمبر تک بند کرنے کا فیصلہ کرلیا گیا ۔

کورونا وائرس کی غیرمعمولی صورتحال کے باعث پنجاب اور اسلام آباد میں ایک بار پھر تعلیمی ادارے 6روز کیلئے بند کرنے کا فیصلہ کیا گیا ہے۔

صوبائی وزیر تعلیم مراد راس نے سماجی رابطے کی ویب سائٹ ٹوئٹر پر اپنی ٹویٹ میں بتایا کہ پنجاب بھر کے تمام سرکاری او رنجی اسکولز 6سے 11 ستمبر تک بند رہیں گے۔

ANNOUNCEMENT:
All Public & Private Schools of Punjab to be closed from September 6th to September 11th, 2021 due COVID 19 conditions. Please stay home and stay safe. Protect yourself and your families.

— Murad Raas (@DrMuradPTI) September 3, 2021

مراد راس نے مزید کہا کہ اسکول بند کرنے کا فیصلہ کورونا وائرس کی غیر معمولی صورتحال کے پیش نظر کیا گیا ہے لہذا شہری ایس او پیز پر عمل کو ممکن یقینی بنائیں، گھر پر محفوظ رہیں، اپنی اور اپنی فیملی کی حفاظت کریں۔

اسلام آباد کے تعلیمی ادارے بھی 6سے11 ستمبر تک بند کرنے کافیصلہ

دوسری جانب وفاقی دارلحکومت اسلام آباد کے تعلیمی ادارے بھی 6سے11 ستمبر تک بند کرنے کافیصلہ کیا گیا ہے ۔

ذرائع وزارت تعلیم کا کہنا ہے کہ کورونا کی صورتحال کے پیش نظر تعلیمی ادارے بند رہیں گے، تمام سرکاری اور نجی تعلیمی ادارےبندرہیں گے تاہم اسلام آباد کے تعلیمی اداروں سےمتعلق حتمی اعلان کچھ دیرمیں متوقع ہے۔