اسلام آباد:وزیرخارجہ شاہ محمود قریشی نےکینیڈا میں پاکستانی نژاد خاندان کے قتل کودہشتگردی قراردے دیا ۔

وزیرخارجہ شاہ محمود قریشی نے کینیڈا میں ایک ہی خاندان کے 4پاکستانی نژاد کینیڈین شہریوں کے قتل پر افسوس کا اظہارکیا ۔

وزیرخارجہ نے کہا کہ واقعہ اتواررات 8 بجے پیش آیا جبکہ اہل خانہ کواطلاع اگلے روزدی گئی،متاثرہ خاندان سے پہلا رابطہ ٹورانٹوکے قونصل جنرل کا ہوا، میتین پاکستان لانے کی پیشکش کی تاہم خاندان نے تدفین کینیڈا میں ہی کرنے کا کہا ۔

3 generations of Pakistani-Canadians were killed in a brutal act of mass murder for their Muslim faith. This is an act of terror rooted in unspeakable hatred & Islamophobia.
Extend our deepest sympathy to the family members & pray for recovery of the only survivor; a little boy.

— Shah Mahmood Qureshi (@SMQureshiPTI) June 8, 2021

شاہ محمود قریشی نے کہاکہ پولیس تحقیقات کے مطابق واقعہ میں اسلاموفوبیا کا عنصرموجود ہے اوریہ دہشتگردی ہے ،پوسٹ مارٹم رپورٹ کا منتظرہوں،میتیں ناقابلِ شناخت ہیں،یہ کینیڈین وزیراعظم اوران کےمعاشرے کا امتحان ہے جو کینیڈا میں مقیم مسلمانوں کےاعتماد کوبحال کرنے اوران کےتحفظ کویقینی بنانےکیلئےاپنا کردارادا کریں۔

وزیرخارجہ شاہ محمود قریشی نے مزید کہاکہ موجودہ اطلاعات کے مطابق خاندان فیزیوتھراپسٹ تھے جن کا تعلق پاکستان میں لاہور سے تھا ۔