لاہور:وزیراعلیٰ پنجاب عثمان بزدار نے چینی کے نرخ مانیٹر کرنے کا ٹاسک صوبائی وزرا کو سونپ دیا۔

وزیراعلیٰ پنجاب عثمان بزدار چینی مہنگے داموں فروخت کرنے والوں کیخلاف سرگرم ہوگئے، لاہور سمیت تمام ڈویژن میں وزراء کو چینی کے نرخ مانیٹر کرنے کا ٹاسک سونپ دیا۔

وزیراعلیٰ پنجاب نے متعلقہ محکموں کو چینی کے سٹاک اور نرخ بارے روزانہ رپورٹ پیش کرنے کی ہدایت کردی۔

عثمان بزدار نے ماہ رمضان اور رمضان سے پہلے چینی کی وافر سپلائی برقرار رکھنے کا حکم دیتے ہوئے کہا کہ اضلاع میں بھی متعلقہ وزراء اور افسران چینی کے نرخ کی مانیٹرنگ کریں گے۔

وزیراعلیٰ پنجاب کا کہنا تھا کہ کسی کو غریب عوام کا استحصال کرنے کی اجازت نہیں دیں گے، عام آدمی کے حقوق کا تحفظ حکومت کی ذمہ داری ہے۔