لاہور ہائیکورٹ نے کیپٹن (ر) صفدر کی آمدن سے زائد اثاثوں کے کیس میں عبوری ضمانت منظور کرتے ہوئے نیب سے جواب طلب کر لیا۔

لاہور ہائیکورٹ کے جسِٹس سرفراز ڈوگر کی سربراہی میں 2رکنی بینچ نے آمدن سے زائد اثاثوں کے کیس کی سماعت کی۔

کپٹن ریٹائرڈ صفدر کے وکیل نے عدالت کو بتایا کہ نیب لاہور کی جانب سے 10مارچ کو آمدن سے زائد اثاثوں کے کیس میں طلب کر رکھا ہے جبکہ آمدن سے زائد اثاثوں کی انکوائری نیب پشاور میں بھی زیر التوا ءہے۔

پشاور ہائیکورٹ میں آمدن سے زائد اثاثوں کے کیس میں عبوری ضمانت دائر کر رکھی ہے، قانونی طور پر ایک ہی معاملہ پر دو صوبوں میں تحقیقات نہیں ہو سکتی، نیب کی جانب سے سیاسی انتقامی کاروائی کا نشانہ بنایا جارہا ہےعدالت نیب لاہور کو گرفتار کرنے سے روکنے کا حکم دے۔

عدالت نے عبوری ضمانت کی درخواست منظور کرتے ہوئے کیپٹن ریٹائرڈ محمد صفدر کو 29 مارچ تک گرفتار کرنے سے روک دیا اورنیب حکام کو نوٹس جاری کر دیئے ۔