وفاقی حکومت نے روٹیشن پالیسی کے تحت سندھ ڈومیسائل کے حامل گریڈ بیس کے چھ ڈی آئی جیز کا پنجاب تبادلہ کردیا۔ افسران آئندہ دو برس تک دوبارہ سندھ میں تعینات نہیں کئے جا سکتے۔

ڈی آئی جی عرفان بلوچ کا تبادلہ اسلام آباد، ڈی آئی جی منیر شیخ سینئر کا پنجاب، ڈی آئی جی منیر شیخ جونیئر کا بھی تبادلہ پنجاب کیا گیا۔

ڈی آئی جی فداحسین مستوئی کا تبادلہ موٹروے پولیس میں کیا گیا ہے، جبکہ ڈی آئی جی قمر زمان کا پنجاب تبادلہ کیا گیا۔ ڈی آئی جی اقبال دارا کا بھی تبادلہ کیا گیا ہے۔

مذکورہ چھ ڈی آئی جیز کی اگلے2 سال تک سندھ میں پوسٹنگ نہیں ہوسکے گی۔ وفاق حکومت کی جانب سے نوٹی فکیشن جاری کردیے گئے۔