لاہور:پنجاب کے مختلف شہروں میں دھند کا راج برقرار ہے،موٹر وے ایم 3لاہور سے سمندری تک بند کردی گئی،قومی شاہراہ پر حد نگاہ 30میٹر رہ گئی۔

پنجاب میں دھند نے ڈیرے ڈال لئے، لاہور،مانگا منڈی ،پھول نگر،پتوکی،اوکاڑہ اورجمبرمیں دھند کا راج ہے ، اس کے علاوہ حجرہ شاہ مقیم ،پتوکی ،حبیب آباداوکاڑہ کے راستے بھی دھندلا گئے۔

شدید دھند کے باعث موٹروےایم 3لاہورسے سمندری تک بند کردی گئی، قومی شاہراہ پر ان علاقوں میں حد نگاہ 30میٹر ہے ۔

ترجمان ٹریف پولیس کا کہنا ہے کہ دھند کے باعث شہری غیر ضروری سفر سے گریزکریں۔