لاہور:وزیراعلٰی پنجاب کی معاون خصوصی ڈاکٹر فردوس عاشق اعوان نے کہا ہے کہ راج کماری بتائے بیرون ملک 76جائیدادیں کس کی ہیں؟ مفرور بھائیوں کی جائیداد میں ان کا کتنا حصہ ہے؟ پی ڈی ایم کا جلسہ ٹھس اور بیانیہ پھس ہوچکا۔

سماجی رابطے کی ویب سائٹ پر ٹوئٹر پر جاری اپنے ایک بیان میں ڈاکٹر فردوس عاشق اعوان نے کہا ہے کہ حکومت کی جانب سے فری ہینڈ اور بغیر کسی رکاوٹ کے پی ڈی ایم کا جھوٹ کی گردان پر مبنی رونا دھونا تو ہوگیا لیکن 11جماعتوں نے مل کر جتنے لوگ اکٹھے کئے اس سے کہیں زیادہ تعداد میں لوگ بزدار حکومت کی جانب سے لگائے گئے سہولت بازاروں میں موجود ہوتے ہیں،پی ڈی ایم کا جلسہ ٹھس اور بیانیہ پھس ہوچکا ہے۔

حکومت کی جانب سے فری ہینڈ اور بغیر کسی رکاوٹ کے PDM کا جھوٹ کی گردان پر مبنی رونا دھونا تو ہوگیا لیکن 11جماعتوں نے ملکر جتنے لوگ اکٹھے کئے اس سے کہیں زیادہ تعداد میں لوگ بزدارحکومت کی جانب سے لگائے گئے سہولت بازاروں میں موجود ہوتے ہیں۔ PDM کا جلسہ ٹُھس اور بیانیہ پُھس ہوچکا ہے۔

— Dr. Firdous Ashiq Awan (@Dr_FirdousPTI) January 20, 2021

فردوس عاشق اعوان نے مزید کہا کہ”لندن تو کیا پاکستان میں بھی کوئی جائیداد نہیں “سے جانی جانے والی جاتی امراءکی راجکماری لندن ہائیکورٹ کے فیصلے کے بعد بتائیں کہ امریاج، برطانیہ، پاکستان اور سعودی عرب میں اربوں روپےکی76جائیدادیں کس کی ہیں اور اپنے مفرور بھائیوں کی مختارِ خاص ہونے کے ناطے ان جائیدادوں میں اس کا حصہ کتنا ہے۔

"لندن تو کیا پاکستان میں بھی کوئی جائیداد نہیں" سے جانی جانےوالی جعلی راجکماری لندن ہائیکورٹ کے فیصلے کےبعد بتائےکہ امریکہ، برطانیہ، پاکستان اور سعودی عرب میں اربوں روپےکی 76جائیدادیں کس کی ہیں اور اپنے مفرور بھائیوں کی مختارِ خاص ہونے کے ناطے ان جائیدادوں میں اسکا حصہ کتنا ہے؟؟

— Dr. Firdous Ashiq Awan (@Dr_FirdousPTI) January 20, 2021