وزیراعلٰی پنجاب سردار عثمان بزدار نے لاہور کو کوڑا کرکٹ سے پاک کرنے کیلئے ہدایات جاری کرتے ہوئے کہا کہ شہر سے کوڑا کرکٹ اٹھانے کیلئے تمام وسائل بروئے کار لائے جائیں۔ اندرون شہر، چھوٹی آبادیوں اور پوش علاقوں پر خصوصی توجہ دی جائے۔

لاہور شہر میں صفائی کے حوالے سے صوبائی وزیر میاں اسلم اقبال نے وزیراعلیٰ پنجاب سردار عثمان بزدار سے ملاقات کی۔

وزیر اعلیٰ نے کہا کہ شہر کو کوڑا کرکٹ سے صاف کرنے کیلئے تمام وسائل بروئے کار لائے جائیں۔ لاہور ویسٹ مینجمنٹ کمپنی اور انتظامی افسران مشترکہ کاوشوں کے ذریعے کوڑا کرکٹ اٹھائیں۔ مکینیکل سویپرز کے ذریعے سڑکوں کو صاف کیا جائے اور جلد از جلد لاہور کو زیرو ویسٹ کیا جائے،

وزیراعلیٰ نے خراب مشینری کو بھی جلد فنکشنل کرنے کی ہدایت کی-

وزیر اعلی نے کہا کہ سابقہ ادوار میں سیاست کو کرپشن سے آلودہ کیا گیا۔ کرپشن سے معاشرے کو تباہ کرنے والوں کو تاریخ کبھی معاف نہیں کریگی۔

وزیراعلی نے وزیرستان میں دہشت گردوں کے ٹھکانوں پر آپریشن کے دوران 3 سپاہیوں کی شہادت پر دکھ اور افسوس کا اظہار کیا۔