انسپکٹر جنرل خیبرپختونخوا پولیس ذوالفقار حمید نے کہا ہے کہ کرم میں جاری کشیدگی کو کم کرنے اور امن قائم کرنے کے لیے فریقین کے تمام بنکرز مکمل طور پر مسمار کر دیے گئے ہیں۔

اپنے بیان میں آئی جی کے پی نے بتایا کہ امن کے اگلے مرحلے میں عوام سے رضاکارانہ طور پر اسلحہ جمع کروایا جائے گا جبکہ اسلحہ نہ دینے والوں کے خلاف سخت کارروائی عمل میں لائی جائے گی۔

کرم میں آٹھ ماہ کے لیے امن معاہدہ طے پا گیا، سڑکیں کھولنے پر اتفاق

انہوں نے مزید بتایا کہ ٹل تا پاراچنار روڈ کو محفوظ بنانے کے لیے 10 سیکیورٹی چوکیاں قائم کی جائیں گی تاکہ عوام کے لیے آمد و رفت محفوظ بنائی جا سکے۔

واضح رہے کہ اس سے قبل بھی کرم میں فریقین کے درمیان کشیدگی کم کرنے کے لیے بنکرز گرائے گئے تھے، تاہم موجودہ کارروائی کو مکمل اور حتمی اقدام قرار دیا جا رہا ہے۔ پولیس اور دیگر ادارے علاقے میں قیام امن کے لیے مربوط کوششیں جاری رکھے ہوئے ہیں۔