Aaj News

پیر, مئ 05, 2025  
07 Dhul-Qadah 1446  

زلزلہ آنے پر ہاتھیوں کی جانب سے گول دائرہ بنانے کی دلچسپ ویڈیو وائرل

ریوڑ 4 منٹ کے بعد معمول کے رویے پر واپس آ گیا
شائع 16 اپريل 2025 11:08pm

امریکہ میں ایک چڑیا گھر سے ہاتھیوں کے ریوڑ کی ایک ویڈیو شیئر کی گئی جس میں ان کے زلزلہ آنے کے دوران کا انوکھا رویہ دکھایا گیا۔

غیر ملکی میڈیا کے مطابق رواں ماہ کی 14 تاریخ کو امریکی ریاست کیلیفورنیا کے سان ڈیاگو کاؤنٹی میں 5.2 شدت کے زلزلے کے جھٹکے ریکارڈ کیے گئے تھے۔

زلزلے سے جہاں انسانوں میں ہل چل نظر آئی وہیں سان ڈیاگو چڑیا گھر کے ہاتھیوں میں بھی زلزلے کی وجہ سے عجیب و غریب رویہ دیکھا گیا۔

چڑیا گھر میں نصب کیمرے میں دیکھا گیا کہ زلزلے سے جیسے ہی زمین جھٹکے کھانے لگی تو ہاتھیوں میں بھگدڑ مچ گئی اور ہاتھیوں کے جھنڈ نے ایک جگہ جمع ہو کر گول دائرہ بنا لیا۔

ماہرین کا کہنا ہےکہ زلزلہ آنے پر ہاتھی اپنے جھنڈ میں موجود بچے یا کم عمر ہاتھی کی حفاظت کو ممکن بناتے ہوئے اس کے اردگرد گول دائرہ بنا لیتے ہیں جسے ’الرٹ سرکل‘ کہتے ہیں۔

ایملی کا مزید کہنا تھا کہ ریوڑ تقریباً 4 منٹ کے بعد معمول کے رویے پر واپس آ گیا لیکن زلزلے کے بعد کچھ دیر تک ایک دوسرے کے قریب ہی رہا۔

ہاتھیوں کے اس رویے کی ویڈیو سوشل میڈیا پر کافی وائرل ہورہی ہے جس پر صارفین کی جانب سے دلچسپی کے ساتھ ساتھ حیرانی کا اظہار بھی کیا جارہا ہے۔

Zoo elephants

alert circle

San Diego earthquake