پاراچنار میں راستوں کی طویل بندش کے خلاف شٹر ڈاؤن ہڑتال جاری ہے۔ شہر کی تمام دکانیں اور کاروباری مراکز احتجاجاً بند ہیں، جس کے باعث عوام کو روزمرہ ضروریات کی اشیاء کی شدید قلت کا سامنا ہے۔

تاجر برادری کے مطابق پاراچنار روڈ بندش کیخلاف احتجاجی دھرنا اور شٹر ڈاون ہڑتال دوسرے روز بھی جاری ہے، پریس کلب کے باہر مین روڈ پر پہلے سے احتجاجی دھرنا جاری ہے، جسے شروع ہوئے 45 دنوں ہو گئے۔

تاجر رہنما کا کہنا ہے کہ تاجر برادری اور شہر کے دکاندار بھی بازار بند کر کے دھرنے میں شریک ہیں، جبکہ دھرنا منتظمین کے مطابق مطالبات کی منظوری تک دھرنا جاری رہے گا، انہوں نے مطالبہ کیا کہ ٹل پاراچنار روڈ پر مستقل امدورفت بحال کی جائے۔

پاراچنار میں شٹر ڈاؤن ہڑتال جاری: ’27 رمضان المبارک کے بعد سے ایک بھی گاڑی پاراچنار نہیں پہنچی‘

کرم صورتحال: ٹل پارا چنار مرکزی شاہراہ کی بندش کو 100 روز مکمل، شہری تاحال عذاب میں مبتلا

دھرنا منتظمین اوعر ٹریڈ یونین کے مطابق شہر میں تمام دکانیں، کاروباری مراکز، مارکیٹ اج بھی بند ہیں، جب تک ہماری مال بردار گاڑیاں پاراچنار نہیں پہنچ جاتیں، تب تک ہڑتال جاری رہے گی۔

اس حوالے سے تاجر رہنما کا کہنا ہے کہ وعدے کے مطابق آج مال بردار گاڑیوں کو پاراچنار کی جانب نکلنا ہے ، یاد رہے کہ راستوں کی بندش سمیت مال بردار گاڑیوں کی عدم رسائی کے حوالے سے بھی دھرنا جاری ہے۔