سندھ کابینہ کی جانب سے اسمبلی کی سب کمیٹی کی سفارش پر فرسٹ ائیر کراچی بورڈ کے طلبہ کو گریس مارک دینے کی منظوری دیدی گئی۔

ترجمان وزیر اعلی سندھ کے اعلامیے کے مطابق گریس مارک تمام طلباء کو 20 فیصد کیمسٹری، فزکس اور ریاضی مضامین میں دیئے جائیں گے۔

وزیراعلیٰ سندھ مراد علی شاہ نے یونیورسٹیز اینڈ بورڈز کو تعلیمی بورڈز میں اصلاحات لانے کی ہدایت دے دی۔

وزیراعلیٰ سندھ نے چیف سیکریٹری کو ہدایت دی ہے کہ وہ ایک ہائی لیول کمیٹی بنائیں۔

کمیٹی تمام تعلیمی بورڈز میں بے ضابطگیوں کی تحقیقات کر کے رپورٹ دے گی۔