کراچی لانڈھی مرتضٰی چورنگی کے برف کے کارخانے میں گیس لیکج سے دھماکا ہوا ہے جس میں 2 افراد جاں بحق ہو گئے۔

ریسکیو حکام کے مطابق کراچی کے علاقے لانڈھی مرتضٰی چورنگی کے قریب گیس لیکج سے دھماکا ہوا جس سے دو افراد جاں بحق اور چھ زخمی ہوگئے۔

ریسکیو حکام کا کہنا ہے کہ دھماکا برف کے خارخانے میں ہوا۔ اسپتال میں زیرعلاج زخمیوں میں چار کی حالت تشویش ناک بتائی جا رہی ہے۔

ریسکیوحکام کے مطابق برف خانے کے ملبے میں ریسکیو آپریشن جاری ہے مزید کسی افراد کے ملبے تلے دبے ہونے کی اطلاع نہیں۔