یوٹیوب نے اپنے صارفین کے لیے مصنوعی ذہانت (اے آئی) پر مبنی ایک جدید فیچر متعارف کرایا ہے جس کے ذریعے وہ اپنی ویڈیوز کے لیے حسب ضرورت انسٹرومنٹل بیک گراؤنڈ میوزک تیار کرسکیں گے۔

یہ نیا فیچر ”کریٹیر میوزک“ نامی پلیٹ فارم میں شامل کیا گیا ہے، جو یوٹیوب کا کمرشل میوزک لائسنسنگ سسٹم ہے اور 2023 میں متعارف ہوا تھا۔

اس کا مقصد صارفین کو ویڈیوز کے لیے موزوں موسیقی ڈھونڈنے اور اس کے استعمال سے جڑے اخراجات کو بہتر طریقے سے سمجھنے میں مدد دینا ہے۔

پاکستانیوں نے یوٹیوب پر سب سے زیادہ کون سی ویڈیوز دیکھیں؟ 1029

یوٹیوب پر ’شارٹس‘ اپلوڈ کرنے والوں کیلئے خوشخبری

یوٹیوب کے مطابق، اب صارفین میوزک اسسٹنٹ ٹیب میں جائیں گے، جہاں وہ ایک ٹیکسٹ باکس میں تحریری ہدایات دے کر بتا سکیں گے کہ انہیں کس طرح کی موسیقی چاہیے، مثلاً کون سے انسٹرومنٹس ہوں، موڈ کیسا ہو، یا ویڈیو کس نوعیت کی ہے۔

اگر کسی کو خود سے ہدایات لکھنے میں مشکل ہو، تو پہلے سے دی گئی تجاویز بھی دستیاب ہوں گی۔ اے آئی انہی ہدایات کو پڑھ کر ایک نیا، منفرد اور حسبِ ضرورت میوزک ٹریک تیار کرے گا، جسے صارفین آسانی سے ڈاؤن لوڈ کرکے اپنی ویڈیوز میں استعمال کر سکیں گے۔

سب سے اچھی بات یہ ہے کہ یہ میوزک مفت ہوگا اور صارفین کو کاپی رائٹ کے مسائل کا سامنا نہیں کرنا پڑے گا۔ فی الحال یہ سہولت صرف امریکا میں چند صارفین کو دی جا رہی ہے، مگر امکان ہے کہ جلد ہی اسے دیگر ممالک میں بھی متعارف کرا دیا جائے گا۔