اسلام آباد میں اپوزیشن اتحاد نے بڑا سیاسی جلسہ کرنے کا اعلان کر دیا ہے۔ تحریک تحفظ آئین پاکستان کے تحت جلسہ 20 اپریل کو اسلام آباد کے علاقے جی نائن میں منعقد ہوگا۔ جلسے کی میزبانی مجلس وحدت المسلمین (ایم ڈبلیو ایم) کرے گی۔

اپوزیشن اتحاد کے اعلامیہ کے مطابق جلسے سے محمود خان اچکزئی، سابق وزیراعظم شاہد خاقان عباسی اور پاکستان تحریک انصاف (پی ٹی آئی) کی قیادت خطاب کرے گی۔ جلسے میں پی ٹی آئی سمیت تمام اپوزیشن جماعتوں کو شرکت کی دعوت دی گئی ہے۔

ذرائع کے مطابق جلسے کے بعد اپوزیشن اتحاد کی جانب سے لاہور میں آل پارٹیز کانفرنس بھی بلائی جائے گی، جس میں آئندہ کی سیاسی حکمت عملی طے کی جائے گی۔