پاکستان سپر لیگ (پی ایس ایل) کی مشہور فرنچائز پشاور زلمی نے سوشل میڈیا اسٹار جنّت مرزا کو اپنی ٹیم کا آفیشل سوشل میڈیا ایمبیسیڈر مقرر کر لیا ہے۔

اس بات کا اعلان ٹیم نے اپنے سوشل میڈیا پلیٹ فارمز پر کیا، جس کے مطابق جنّت مرزا پی ایس ایل کے 10ویں سیزن کے دوران پشاور زلمی کی ڈیجیٹل اور آن لائن تشہیری مہم کا حصہ ہوں گی۔​

جنّت مرزا پاکستان کی سب سے زیادہ فالو کی جانے والی سوشل میڈیا اسٹارز میں سے ہیں، اور پشاور زلمی کی اس شراکت داری کا مقصد ٹیم کی نوجوانوں میں ٹیم کی مقبولیت میں مزید اضافہ کرنا ہے تاکہ ڈیجیٹل پلیٹ فارمز پر اپنے مداحوں کے ساتھ بہتر روابط قائم ہوں۔​

بے عزتی پر لوگوں کو زندگی سے نکال دیتی ہوں، رمشا خان کا دوٹوک فیصلہ

اس سے قبل، پشاور زلمی نے عالمی شہرت یافتہ اداکارہ ماہرہ خان کو اپنی برانڈ ایمبیسیڈر مقرر کیا تھا۔ مزید برآں، پشاور زلمی اور ٹی سی ایل کے درمیان سات سالہ شراکت داری بھی جاری ہے، جس کے تحت ٹی سی ایل پی ایس ایل سیزن 9 میں پشاور زلمی کا آفیشل ٹی وی پارٹنر ہے۔ ​