پشاور ہائیکورٹ نے مہاجر کارڈ کی بنیاد پر شہریت کی درخواستیں وزارت داخلہ کو نمٹانے کا حکم جاری کردیا جبکہ عدالت نے مختلف درخواستیں نمٹا کر وزارت داخلہ کو احکامات جاری کردیے۔

پشاور ہائیکورٹ کے جج جسٹس وقار احمد کی سربراہی میں بینچ نے مہاجر کارڈ سے متعلق دائر درخواستوں پر سماعت کی ۔

سماعت کے دوران درخواست گزار نے بتایا کہ مہاجر کارڈ پاکستان حکومت نے جاری کیا ہے، قانون کے مطابق 4 سال کوئی پاکستان میں گزارے تو وہ شہریت لینے کا اہل ہو جاتا ہے۔

درخواست گزار کے مطابق وزارت داخلہ سے رابطہ کیا گیا لیکن وہاں درخواست تک نہیں لی جا رہی، پاکستان میں قانون موجود ہے لیکن عمل درآمد نہیں کیا جا رہا۔

عدالت نے مختلف درخواستیں نمٹا کر وزارت داخلہ کو احکامات جاری کردیے۔ پشاور ہائیکورٹ نے احکامات جاری کیے کہ سیکشن 3 کے تحت ان درخواستوں کو نمٹایا جائے۔