پی آئی اے کی پیرس پرواز کے دوران ایک مسافر نے سگریٹ پینے سے منع کرنے پر ایئرہوسٹس پر حملہ کردیا، فرانسیسی پولیس نے مسافر کو گرفتار کرلیا۔

ائیرلائن ذرائع کے مطابق قومی ایئرلائن پی آئی اے کی اسلام آباد سے پیرس جانے والی پرواز میں خاتون فضائی میزبان نے سفیر نامی شخص کو سگریٹ نوشی سے منع کیا، جس پر وہ آپے سے باہر ہوگیا اور فضائی میزبان کو تشددکا نشانہ بنا ڈالا، اس دوران فلائٹ اسٹیورڈ نے ائیرہوسٹس کو بچانےکی کوشش کی تو مسافر نے فلائٹ اسٹیورڈ سے بھی ہاتھا پائی کی۔

ائیرلائن ذرائع کے مطابق پیرس میں لینڈنگ فرانسیسی پولیس نے مسافرکو گرفتارکرلیا ہے۔ پی آئی اے نے مسافر کو بلیک لسٹ کردیا گیا ہے اب وہ کبھی پی آئی اے کی پرواز میں سفر نہیں کرسکے گا۔