راولپنڈی کے صدر بیرونی کے علاقہ دھمیال گاؤں میں دوسری شادی کی رنجش پر وکیل کو قتل کردیا گیا۔

ذرائع کے مطابق راولپنڈی کے تھانہ صدر بیرونی میں درج مقدمہ کے متن کے مطابق وکیل چوہدری کاشف تیمور کو اس کی دوسری اہلیہ کے بیٹے حسنین اظہر کے ساتھ آئے حسن علی نے گولیاں مار کر قتل کیا۔

ذرائ نے بتایا کہ مقدمہ میں بیوی شائستہ رزاق اس کے بیٹے حسنین اظہر، بیٹی نور العین اور حسن علی کو نامزد کیا گیا ہے۔

متن کے مطابق ملزم حسنین اظہر، مقتول کو رات کے وقت بلا کر اپنے گھر لے گیا جس کے بعد وہیں پر مقتول کو گولیاں ماری گئیں۔

فیصل آباد: پیشی پر عدالت جاتے ہوئے ماں، بیٹے اور بھانجے کو قتل کردیا گیا

وکیل کاشف تیمور کے قتل کیخلاف راولپنڈی ڈسٹرکٹ بار ایسوسی ایشن کی جانب سے ہڑتال کا اعلان کیا گیا ہے۔

علاوہ ازیں جاری مذمتی نوٹیفکیشن کے مطابق وکلاء آج عدالتوں میں پیش نہیں ہوں گے۔

پولیس نے مقتول وکیل چوہدری کاشف تیمور کے چچا زاد بھائی کی مدعیت میں بیوی شائستہ رزاق سمیت چار ملزمان کیخلاف مختلف دفعات کے تحت مقدمہ درج کیا۔