مشیر اطلاعات خیبر پختونخوا بیرسٹر سیف نے کہا ہے کہ بلاول بھٹو زرداری تقریریں کرنے کے بجائے ابو سے پوچھ لیں کہ نہروں کی منظوری کیوں دی؟ نہروں کے معاملے پر پیپلز پارٹی اور مسلم لیگ (ن) کے مرد میدان سے بھاگ گئے ہیں اور زنانہ لڑائی جاری ہے۔

ذرائع کے مطابق مشیر اطلاعات خیبرپختونخوا بیرسٹر سیف نے نہروں کے معاملے میں پیپلز پارٹی اور مسلم لیگ (ن) میں بیانات پر تبصرہ کرتے ہوئے کہا کہ دونوں جماعتیں حکومت میں ہیں، سب کچھ خود کر رہی ہیں لیکن بیانات ایسے دے رہی ہیں جیسے اپوزیشن میں ہیں۔

ان کا کہنا تھا کہ پیپلز پارٹی اور مسلم لیگ (ن) کی قیادت بیمار ہے، بچے نااہل ہیں بہتر ہے کہ اقتدار عوام کے حوالے کرکے ایک ہی دفعہ سارے لندن چلے جائیں۔

عمران خان سمیت پی ٹی آئی کے موناٹائزڈ سوشل میڈیا اکاؤنٹس کا کبھی آڈٹ نہیں ہوا، شیر افضل مروت

دریائے سندھ سے نئی نہریں نکالنا صوبے کے عوام کے لیے زندگی اور موت کا کیس ہے، بلاول بھٹو

مشیر اطلاعات خیبر پختونخوا بیرسٹر سیف کا کہنا تھا کہ نواز شریف وزیراعظم بننے آئے تھے، مریض بن کر واپس لندن جا رہے ہیں، نواز شریف، مریم نواز اور شہباز شریف کی لندن یاترا ”ووٹ کو عزت دو“ پلان ٹو کی تیاری ہے کیونکہ میاں صاحب کبھی باز نہیں آتے۔