نیوزی لینڈ کے خلاف تیسرے ون ڈے میچ میں پاکستان کے اوپنر امام الحق انجری کا شکار ہوگئے۔ پاکستان اور نیوزی لینڈ کے درمیان جاری اس میچ میں امام الحق بیٹنگ کے دوران ایک حادثے کا شکار ہوئے۔

دوسری اننگز میں گرین شرٹس کی بیٹنگ کے دوران امام الحق رن لینے کے لئے دوڑے، اور اس دوران فیلڈر کی تھرو ان کے ہیلمٹ سے ہوتی ہوئی ان کے منہ پر جا لگی، جس سے وہ زمین پر گر پڑے۔ امام الحق کے منہ پر گیند لگنے کے بعد وہ شدید تکلیف میں نظر آئے اور فوری طور پر انہیں میدان سے باہر لے جانے کے لیے ایمبولنس بلائی گئی۔

فزیو اور ٹیم کے دیگر کھلاڑیوں نے فوری طور پر امام الحق کا علاج کیا، اور بعد ازاں ان کا کنکشن ٹیسٹ کیا گیا جو کہ ناکام رہا۔ اس کے بعد امام الحق کو ریٹائر ہرٹ ہو کر میدان سے باہر جانا پڑا۔ امام الحق کی انجری کے بعد ان کی جگہ عثمان خان کو بیٹنگ کے لئے بھیجا گیا۔