آئی ایس پی آر کے مطابق ضلع کیچ کےعلاقے بلیدہ میں انٹیلی جنس کی بنیاد پر آپریشن کے دوران شدید فائرنگ کے تبادلے کے بعد 2 دہشت گرد مارے گئے۔

پاک فوج کے شعبہ برائے تعلقاتِ عامہ (آئی ایس پی آر) کے مطابق سیکورٹی فورسز نے دہشت گردوں کی موجودگی کی اطلاع پر ضلع کیچ کے علاقے بلیدہ میں انٹیلی جنس کی بنیاد پر آپریشن کیا۔

آئی ایس پی آر کے مطابق شدید فائرنگ کے تبادلے کے بعد دو دہشت گردوں کو ہلاک کیا گیا۔ مارے گئے دہشت گرد علاقے میں دہشت گردی کی متعدد کارروائیوں میں سرگرم رہے۔

ترجمان پاک فوج کا کہنا ہے کہ کسی بھی دوسرے ممکنہ دہشت گرد کو ختم کرنے کے لیے سینی ٹائز آپریشن جاری ہے۔

سیکیورٹی فورسز بلوچستان کے امن کو سبوتاژ کرنے کی کوششوں کو ناکام بنانے کے لیے پرعزم ہیں۔