وزیراعظم شہباز شریف کے بجلی کی قیمتوں میں بڑی کمی کے اعلان کے باعث پاکستان اسٹاک مارکیٹ میں زبردست تیزی دیکھنے میں آئی ہے۔

تفصیلات کے مطابق عید کی چھٹیوں کے بعد آج پہلے کاروباری دن کے آغاز پر اسٹاک ایکسچینج میں کاروبار کا ملا جلا رجحان رہا تاہم وزیراعظم کے قوم سے خطاب اور بجلی کی قیمتوں میں بڑی کمی کے اعلان کے بعد پاکستان اسٹاک ایکسچینج میں زبردست تیزی برپا ہوگئی اور ہنڈرڈ انڈیکس 1 لاکھ 19 ہزار 1 سو کی حد پار کرگیا۔

معمولی پرافٹ ٹیکنگ کے بعد انڈیکس 11 سو 31 پوائنٹس اضافے سے ایک لاکھ 18 ہزار 9 سو 38 پوائنٹس کی بلند ترین سطح پر بند ہوا۔

پاکستان اسٹاک ایکسچینج کی اونچی اڑان جاری، 100 انڈیکس ریکارڈ سطح پر بند

اسٹاک ایکسچینج میں ڈھائی ہزار پوائنٹس کی کمی سے شدید مندی

مارکیٹ میں آج چار سو باون کمپنیز کے بیالیس کروڑ اکیس لاکھ شیئرز کے سودے کئے گئے، جن کی مالیت اٹھائیس ارب سولہ کروڑ روپے رہی۔

واضح رہے کہ گزشتہ کاروباری ہفتے کے آخری روز دن کے اختتام پر 34 پوائنٹس کے اضافے کے ساتھ سٹاک ایکسچینج میں ہنڈرڈ انڈیکس ایک لاکھ 17 ہزار 806 پوائنٹس کی سطح پر بند ہوا تھا۔