چیئرمین سینیٹ کا کہنا ہے کہ پیپلز پارٹی کو یہ اعتراض نہیں کہ نہریں کیوں نکالی جا رہی ہیں، پی پی اپنے تحفظات پربات کر رہی ہے۔

ملتان میں میڈیا سے گفتگو کرتے ہوئے چیئرمین سینیٹ سید یوسف رضا گیلانی نے کہا کہ پیپلزپارٹی کو یہ اعتراض نہیں کہ نہریں کیوں نکالی جا رہی ہیں، پیپلزپارٹی اپنے تحفظات پر بات کر رہی ہے۔

چیئرمین سینیٹ نے کہا کہ تمام مسائل کو افہام وتفہیم سے حل کیا جائے گا، ملیشیاء میں عالمی کانفرنس میں دعوت ملی ہے، کانفرنس میں موسمیاتی تبدیلی سمیت مسائل اٹھاؤں گا۔

یوسف رضا گیلانی نے کہا کہ مظلوم فلسطینی اور کشمیریوں کیلئے دعاگو ہوں، پاک افواج دہشت گردی کےخلاف قربانیاں دے رہی ہیں۔ دہشت گردی کے خلاف جنگ میں ہم سب متحد ہیں۔

چیئرمین سینیٹ نے مزید کہا کہ ملک کو ماحولیاتی چیلنجز کا سامنا ہے۔