پاکستان کی معروف اداکارہ ماہرہ خان نے صحافی چاند نواب کی 2008 میں وائرل ہونے والی عید رپورٹنگ کی نقل کرتے ہوئے ایک دلچسپ ویڈیو شیئر کی ہے۔

ہفتے کے روز ماہرہ نے انسٹاگرام پر ایک ریل پوسٹ کی، جس میں وہ چاند نواب کی مشہور ریلوے اسٹیشن پر عید کے حوالے سے کی گئی رپورٹنگ کو دوبارہ پیش کر رہی ہیں۔

چاند نواز کی رپورٹنگ میں مسلسل مداخلت اور رکاوٹوں کے باعث ان کی مایوسی کا یہ منظر وقت کے ساتھ انٹرنیٹ پر وائرل ہوگیا تھا۔

ان کی شہرت میں مزید اضافہ اس وقت ہوا جب نواز الدین صدیقی نے سلمان خان کی فلم ”بجرنگی بھائی جان“ میں ان سے متاثر ہو کر ایک کردار نبھایا۔

اس سے قبل گلوکار عاطف اسلم بھی چاند نواب کی وائرل رپورٹنگ کو نقل کر چکے ہیں۔

ماہرہ خان نے اپنی پوسٹ میں لکھا کہ وہ اپنی نئی فلم کی شوٹنگ کے لیے ریلوے اسٹیشن پر موجود تھیں، جہاں کا منظر دیکھ کر انہیں چاند نواب کی مشہور رپورٹنگ یاد آ گئی۔

انسٹاگرام پر ویڈیو شیئر کرتے ہوئے ماہرہ نے کیپشن میں لکھا، ’عید آنے والی ہے اور ٹرین اسٹیشن پر شوٹ تھی - چاند نواب تو بنتا ہے!‘