نیوزی لینڈ نے 3 میچز پر مشتمل ون ڈے سیریز کے پہلے میچ میں پاکستان کو جیت کیلئے 345 رنز کا ہدف دیا۔ جواب میں پاکستان کی ٹیم 271 رنز بنا کر آؤٹ ہو گئی۔ پاکستان کی جانب سے ڈیبیو پر فاسٹ بولر عاکف جاوید نے 2 کھلاڑیوں کو آؤٹ کیا۔ محمد عرفان خان نے 3 وکٹیں لیں۔

نیپئر میں کھیلے گئے پہلے ون ڈے میچ میں نیوزی لینڈ نے پاکستان کو شکست دے کر تین میچوں کی سیریز میں 0-1 کی برتری حاصل کر لی۔ پاکستان کی ٹیم 271 رنز بنا کر آؤٹ ہو گئی۔

نیوزی لینڈ نے 9 وکٹوں پر344 رنز اسکور کیے۔ چیپمن نے 134 اور محمد عباس نے 52 رنز بنائے۔ 345 کے تعاقب میں پاکستانی ٹیم 271 رنز بنا کر آؤٹ ہوئی۔ بابراعظم نے 78 اور سلمان آغا نے 58 رنز بنائے۔ محمد رضوان 30 رنز بنا کر کیچ آؤٹ ہوئے جبکہ عبداللہ شفیق36 رنز بناکر آؤٹ ہوئے۔

میزبان نیوزی لینڈ نے مقررہ 50 اوورز میں 9 وکٹوں کے نقصان پر 344 رنز بنائے، مارک چیپمین 132 اور ڈیرل مچل 76 رنز بناکر نمایاں رہے۔

تین میچوں کی سیریز کے آغاز پر پاکستان کرکٹ ٹیم کے کپتان محمد رضوان نے ٹاس جیت کر نیوزی لینڈ کو بیٹنگ کی دعوت دی، میچ کے شروع میں نیوزی لینڈ کی بیٹنگ لڑکھڑا گئی اور 50 رنز پر تین کھلاڑی پویلین لوٹ گئے تھے۔

میزبان ٹیم کے ول ینگ ایک، نک کیلی 15 اور ہینری نکلز 11 رنز بناکر آؤٹ ہوئے، تین وکٹوں کے نقصان کے بعد مچل اور مارک چیپمین نے ذمہ دارانہ بیٹنگ کرتے ہوئے اپنی ٹیم کو سنبھال لیا۔

مارک چیپمین 132 اور ڈیرل مچل 76 رنز بنا کر نمایاں رہے، ڈیبیو کرنے والے محمدعباس نے 24 گیندوں پر نصف سنچری بنائی، پاکستان کی طرف سے عرفان خان نے 3 ، حارث رؤف اور عاکف جاوید نے 2،2 وکٹیں حاصل کیں۔

محمد عباس کی تیزترین ففٹی

پاکستانی نژاد کیوی کرکٹر محمد عباس نے پہلے ہی ون ڈے میں تاریخ رقم کردی،انھوں نے ڈیبیو پر تیز ترین ففٹی کا ریکارڈ بنایا۔ 21 سالہ کھلاڑی نے پاکستان کے خلاف 24 گیندوں پر کارنامہ انجام دیا۔ 26 گیندوں پر 52 رنز کی اننگز میں 3 چھکے اور 3 چوکے لگائے۔ پھر بالنگ میں ایک وکٹ بھی لی۔ عباس پاکستان کے سابق فرسٹ کلاس کرکٹر اظہر عباس کے بیٹے ہیں۔

یاد رہے کہ پہلے ون ڈے میچ میں پاکستان کی جانب سے عاکف جاوید، محمد علی اور عثمان خان ڈیبیو کررہے ہیں۔

پاکستانی پلیئنگ الیون

پاکستان ٹیم میں عبداللہ شفیق ، عثمان خان ، بابراعظم ، محمد رضوان ،سلمان علی آغا ، طیب طاہر ، محمد عرفان خان ، نسیم شاہ ، حارث رؤف، عاکف جاوید اور محمد علی شامل ہیں۔

واضح رہے کہ نیوزی لینڈ نے پاکستان کو 5 میچز کی ٹی ٹوئنٹی سیریز میں1-4 سے شکست دی تھی۔