سول لائنس پولیس اسٹیشن کے حدود میں ایک نابالغ بچے کو رقم دینے کا وعدہ کرتے ہوئے اسے مبینہ طور پر اسلام قبول کرنے پر مجبور کیا گیا۔

میڈیا رپورٹس کے مطابق سرکل آفیسر راج کمار ساؤ نے میڈیا سے گفتگو میں بتایا کہ 3 ملزمان عمران’ نورعلی اور مانگے رام کو تفتیش کے لئے پولیس نے تحویل میں لے لیا ہے۔

رپورٹ کے مطابق بی این ایس اور یوپی غیرقانونی تبدیلی مذہب پر امتناع ایکٹ 2021 کی متعلقہ دفعات کے تحت ایک ایف آئی آر درج کرلی گئی ہے۔

مودی حکومت کی مسلمانوں سے دشمنی، کھلے مقامات پر نمازِ عید کی ادائیگی پر پاسپورٹ اور ڈرائیونگ لائنس منسوخ ہوگا

متاثرہ لڑکے کے والد کی شکایت کے مطابق آٹھویں جماعت کے طالب علم پر دباؤ ڈالا گیا کہ وہ رقم کی خاطر مذہب تبدیل کرلے۔

بچے کے اہلخانہ نے الزام لگایا کہ ایک ہندو حجام نے لڑکے کی ختنہ بھی کی ہے جس کے بعد لڑکے کو طبی معائنہ کے لئے بھیج دیا گیا ہے اور مزید تحقیقات جاری ہیں۔