بجلی صارفین کے لیے بنیادی ٹیرف میں کمی کیلئے حکومت نے نیپرا سے رجوع کر لیا، وفاقی حکومت کی درخواست پر سماعت 4 اپریل کو ہوگی۔ اطلاق کے الیکٹرک صارفین پر بھی ہوگا۔

وفاقی حکومت نے بجلی صارفین کو مزید ریلیف دینے اور ٹیرف ڈیفرینشل سبسڈی بڑھانے کا فیصلہ کیا ہے۔

حکومت کی جانب سے نیپرا میں بنیادی ٹیرف میں 1 روپے 71 پیسے کمی کی درخواست دائر کی گئی، حکومت کی درخواست پر سماعت 4 اپریل کو نیپرا میں ہوگی۔

آئی ایم ایف نے حکومت کو بجلی ٹیرف میں کمی کی اجازت دیدی، کتنی کمی کی؟

ٹیرف میں کمی کا اطلاق کے الیکٹرک صارفین پر بھی ہوگا۔

وفاقی حکومت اپریل سے جون تک 3 ماہ کیلئے سبسڈی بڑھائے گی۔ ڈسکوز، کے ای صارفین کو1 روپے 71 پیسے فی یونٹ ریلیف ملے گا۔ لائف لائن صارفین کے علاوہ اطلاق تمام صارفین پر ہوگا۔

حکومت کی جانب سے بجلی صارفین کے لیے ریلیف پیکیج پر کام بھی جاری ہے۔ آئی ایم ایف کی منظوری کے بعد ریلیف پیکیج کا اعلان کیا جائے گا۔ پاکستان اورآئی ایم ایف کے درمیان ہونے والے اسٹاف لیول ایگریمنٹ کے تحت نئی کاربن لیوی متعارف کرانے پر بھی اتفاق ہوا ہے۔

بجلی کے نرخوں میں کمی کے ساتھ ساتھ پانی کی قیمتوں میں اضافے اور آٹو موبائل سیکٹر کو عالمی تجارت کے لیے کھولنے پر بھی اتفاق کیا گیا ہے۔