Aaj News

پیر, مارچ 31, 2025  
02 Shawwal 1446  

وزیر اعلیٰ پنجاب مریم نواز نے تحصیل تونسہ میں ایڈز کے سدباب کیلئے آپریشنل پلان طلب کر لیا

جوائنٹ مشن 7 سے 14 اپریل تک متاثرہ بچوں کی ہسٹری ٹریسنگ کرے گا
اپ ڈیٹ 28 مارچ 2025 11:17am
فائل فوٹو
فائل فوٹو

وزیر اعلیٰ پنجاب مریم نواز نے تحصیل تونسہ میں ایڈز کے سدباب کے لئے آپریشنل پلان طلب کرلیا۔ ایڈز کیلئے بنایا گیا جوائنٹ مشن متاثرہ بچوں کی ہسٹری ٹریسنگ کرے گا۔

وزیر اعلیٰ پنجاب مریم نواز کی زیر صدارت خصوصی اجلاس ہوا۔ جس میں ڈیرہ غازی خان کی تحصیل تونسہ میں مبینہ طورپر ایڈز پھیلنے کے اسباب کا جائزہ لیا گیا۔

وزیر اعلیٰ نے تحصیل تونسہ میں ایڈز کے سدباب کے لئے فوری طور پر آپریشنل پلان طلب کرلیا ہے۔ وزیر اعلیٰ پنجاب کی ہدایت پر یونیسف، ڈبلیو ایچ او اور محکمہ ہیلتھ پنجاب کا جوائنٹ مشن بھی قائم کیا گیا۔

پنجاب کابینہ کی اسپیشل افراد، بزرگ اور طلبہ کیلئے مفت سفر کی سہولت کی منظوری

ایڈز کے سدباب کیلئے جوائنٹ مشن 7 سے 14 اپریل تک متاثرہ بچوں کی ہسٹری ٹریسنگ کرے گا۔ جوائنٹ مشن ایڈزکنٹرول اور بچاؤ کیلئے وزیراعلی کو تجاویز پیش کرے گا۔ وزیر اعلیٰ پنجاب کی ہدایت پر متاثرہ علاقوں میں ہاؤس ہولڈ اسکریننگ بھی کی جائے گی۔

وزیراعلیٰ پنجاب کا گندم اگاؤ انعامی اسکیم کا افتتاح، کاشتکاروں کو ایک ہزار مفت ٹریکٹر دینےکا اعلان

تونسہ تحصیل ہیڈ کوارٹر اسپتال اور دیگر طبی مراکز میں ایڈز کےعلاج کیلئے خصوصی مراکز قائم ہونگے۔ وزیر اعلیٰ پنجاب نے ایڈز سے متاثرہ بچوں کے مفت علاج کی ہدایت کر دی۔

مریم نواز کا تین مرلہ کے پلاٹ مفت دینے کا فیصلہ

وزیراعلیٰ پنجاب کی ایڈز کے پھیلاؤ کے اسباب اورذمہ داروں کا تعین کرنے کی بھی ہدایت کی۔ مریم نواز کا ایڈز کے رسک سے بچاؤ کیلئے موثر اور ٹھوس اقدامات کا حکم دے دیا۔

وزیر اعلیٰ پنجاب مریم نواز نے کہا کہ ایڈز سے متاثرہ بچوں کے علاج میں کوئی کمی یا کوتاہی برادشت نہیں کی جائے گی۔

punjab

Dera Ghazi Khan

AIDS

CM Punjab Maryam Nawaz