Aaj News

پیر, مارچ 31, 2025  
01 Shawwal 1446  

اسلام آباد میں موٹروے پولیس افسر پر مقامی ٹرانسپورٹرز کا تشدد، مقدمہ درج

ٹرانسپورٹرز نے موٹروے افسر کا سرکاری ٹیبلٹ توڑ دیا اور وردی پھاڑ دی
شائع 27 مارچ 2025 11:40pm

وفاقی دارالحکومت اسلام آباد میں مقامی ٹرانسپورٹرز کی جانب سے موٹروے پولیس افسر پر حملے کا واقعہ پیش آیا۔

تفصیلات کے مطابق چونگی نمبر 26 پر مقامی ٹرانسپورٹرز نے موٹروے پولیس افسر پر تشدد کیا، جس کے دوران ٹرانسپورٹرز نے موٹروے افسر کا سرکاری ٹیبلٹ توڑ دیا اور وردی پھاڑ دی۔

واقعے کی اطلاع ملتے ہی موٹروے پولیس کی اضافی نفری موقع پر پہنچ گئی اور صورتحال پر قابو پا لیا۔

پولیس نے واقعے میں ملوث ملزمان کے خلاف تھانہ ترنول میں مقدمہ درج کرلیا۔

ایڈیشنل آئی جی نارتھ ریجن نے واقعے کا نوٹس لیتے ہوئے اعلیٰ سطح کی کمیٹی تشکیل دینے کا حکم دے دیا تاکہ معاملے کی مکمل تحقیقات کی جا سکیں اور ملوث افراد کے خلاف سخت کارروائی عمل میں لائی جا سکے۔

اسلام آباد

moterway police

transports torture