بھارتی اداکارہ راکھی ساونت نے سلمان خان کیلئے پاکستانی اداکارہ ہانیہ عامر کا ہاتھ مانگ لیا ہے۔

حال ہی میں، ہانیہ عامر کو برطانوی پارلیمنٹ کی جانب سے ایک اہم ایوارڈ سے نوازا گیا۔ اس ایونٹ کے بعد، ہانیہ نے میڈیا سے بات کرتے ہوئے مختلف سوالات کا جواب دیا۔

سوشل میڈیا پر وائرل ہونے والی ایک ویڈیو میں ہانیہ نے راکھی ساونت کی معصومانہ اور تفریحی باتوں کی تعریف کی۔

راکھی ساونت نے سوشل میڈیا پر ردعمل دیتے ہوئے کہا، ’مجھے ہانیہ بہت پسند ہیں، اور میں چاہتی ہوں کہ وہ میرے بھائی سلمان خان سے شادی کر لے۔‘

انہوں نے مزید کہا کہ ہانیہ نہ صرف بہت خوبصورت ہیں بلکہ ایک باصلاحیت اداکارہ بھی ہیں، اور پوری دنیا میں ان کی مقبولیت بے مثال ہے۔

راکھی ساونت کے اس بیان پر سوشل میڈیا پر مختلف ردعمل سامنے آئے ہیں۔ کچھ صارفین نے اس کو مزاحیہ قرار دیا، جبکہ کچھ نے سلمان خان اور ہانیہ عامر کے درمیان عمر کے فرق پر سوالات اٹھائے۔

ایک صارف نے لکھا، ’اگر ہانیہ پاکستانی حسینہ اور گڑیا ہیں تو وہ کسی زیادہ عمر کے شخص سے کیوں شادی کریں گی؟‘ ایک اور نے کہا، ’راکھی جی، آپ ہماری لڑکی کو اپنے بھائی کے لیے کیوں تجویز کر رہی ہیں؟‘

یہ پہلا موقع نہیں ہے کہ راکھی ساونت نے سلمان خان کے لیے کسی لڑکی کو تجویز کیا ہو۔ اس سے قبل، راکھی نے ایک ویڈیو پیغام میں کہا تھا کہ انہوں نے سلمان خان کے لیے پاکستانی اداکارہ ہانیہ عامر کو دلہن کے طور پر پسند کیا ہے۔

راکھی ساونت کی جانب سے ایسی باتوں کو سوشل میڈیا پر بھرپور توجہ مل رہی ہے، اور ان کے اس بیان پر مختلف لوگوں کی رائے سامنے آ رہی ہے۔