مشیر خزانہ خیبرپختونخوا مزمل اسلم نے رد عمل دیتے ہوئے کہا ہے کہ شہبازشریف کا آئی ایم ایف سے پروگرام لینے کا دعویٰ غلط ثابت ہوا۔

مشیر خزانہ خیبرپختونخوا مزمل اسلم نے ردِ عمل دیتے ہوئے کہا ہے کہ پاکستان نے آئی ایم ایف سے جو پروگرام لیا ہے، وہ ایک 28 ماہ کا موسمیاتی پروگرام (آرایس ایف) ہے، نہ کہ وہ پروگرام جو سابق وزیر اعظم شہباز شریف نے آئی ایم ایف سے لینے کا دعویٰ کیا تھا۔

مزمل اسلم نے کہا کہ شہباز شریف کا دعویٰ غلط ثابت ہو گیا ہے، حقیقت میں پاکستان نے متوازی طور پر موسمیاتی پروگرام (آرایس ایف) کا معاہدہ کیا ہے۔ ٹیکس کی شرح میں کمی، رئیل اسٹیٹ یا پاور ٹیرف کی صورت میں کسی قسم کی رعایت نہیں دی گئی۔

آئی ایم ایف اعلامیے نے پاکستانی حکومت کی تعریفوں کے انبار لگا دیے

مزمل اسلم نے اس بات کی وضاحت کی کہ پہلا جائزہ مکمل ہو چکا ہے اور اسٹاف لیول سطح پر معاہدہ بھی طے پا چکا ہے۔ حکومت عام لوگوں کے لیے کوئی رعایت حاصل کرنے میں ناکام رہی ہے اور عوام کو موجودہ ابتر معاشی حالت کے ساتھ ہی رہنا پڑے گا۔

انھوں نے مزید کہا کہ شہباز شریف پی ڈی ایم کے مختصر 3 سالوں میں 2022 سے آج تک ان کی حکومت آئی ایم ایف کے 4 پروگراموں میں شامل ہے۔