بھارتی ریاست مدھیہ پردیش کے شہر گوالیار میں ایک پراسرار خاتون نے علاقے میں خوف ہراس پھیلا دیا۔

بھارتی میڈیا رپورٹس کے مطابق سوشل میڈیا پر ویڈیوز میں دیکھا جا سکتا ہے کہ خاتون نے رات کے وقت ایک کے بعد ایک گھر کی گھنٹیاں بجائیں اور پھر ہوا میں غائب ہوگئی۔

ویڈیو میں یہ بھی دیکھا گیا کہ جیسے ہی وہ عورت گلی میں داخل ہوتی ہے کتا اور گائے اسے دیکھ کر بھاگنے لگتے ہیں، عورت نارنجی رنگ کا لباس پہنی ہوتی ہے، جس کا چہرہ اسکارف سے ڈھنپا ہوتا ہے، اور اس کے پاؤں بھی کپڑوں کے چیتھڑوں سے ڈھکے ہوئے تھے۔

ساحل پر پراسرار ’انسانی سر کے ڈھانچے والی‘ مخلوق دیکھ کر لوگ حیران

چونکہ خاتون کا چہرہ ڈھکا ہوا ہے اور کوئی نہیں جانتا کہ وہ کون ہے، اس لیے لوگ متجسس اور پریشان ہیں کہ وہ آخر کرنے کیا آئی تھی۔

بھارتی میڈیا کے مطابق پولیس کو اس حوالے سے کوئی شکایت موصول نہیں ہوئی، لیکن وہ کارروائی کررہے ہیں۔ انہوں نے مقامی پولیس اسٹیشن کو گشت بڑھانے اور علاقے پر گہری نظر رکھنے کا حکم دیا ہے۔

خاتون کی لاش والا چار ہزار سال پرانا پراسرار پتھر کا ستون دریافت

رپورٹ کے مطابق پراسرار خاتون کے آنے کے بعد علاقہ مکینوں نے محفوظ رہنے کی دعائیں مانگنی شروع کردیں جبکہ پولیس پراسرار خاتون کی تلاش میں مصروف ہے۔