مئر کراچی مرتضٰی وہاب نے کہا کہ ہے کہ متبادل راستہ نہ ہونے کی وجہ سے ڈمپرز اور ٹینکر شہر سے گزرتے ہیں، ناردن بائی پاس ٹھیک ہوجائے تو ہیوی ٹریفک شہر میں نہ آئے۔ گورنر صاحب کے اعلان کو 9 دن ہوگئےاب تک کے ایم سی اکاونٹس میں پیسے آ جانے چاہئیں تھے۔

میئر کراچی مرتضی وہاب نے ایف بی ایریا میں ترقیاتی منصوبوں کا افتتاح کردیا، اس موقع پر ان کا کہنا تھا کہ بلاول بھٹو نے جو وعدے کیئے اس کو پورا کر رہے ہیں، پی پی پی کے کارکنان سنگل پوانٹ ایجنڈا پر کام کر رہے ہیں،

انھوں نے کہا کہ ہم وہ وعدے نہیں کرتے جو وفا نہ ہوسکیں، آج ایم کیو ایم کا میئر نہیں ہے آج پی پی پی کا میئر ہے اورآج کراچی میں کام ہو رہا ہے، ملیر ایکسپریس وے اسی سال دسمبر میں مکمل ہو جائے گا، مرغی خانے کا نیا پل ہم تعمیر کرنے جا رہے ہیں،8 لین کے برج کا کام عید کے بعد شروع ہو جائے گا۔

مرتضٰی وہاب نے کہا کہ جام صادق پر نیا برج تیار کرنے جا رہے ہیں، متبادل راستہ نہ ہونے کی وجہ سے ڈمپرز اور ٹینکر شہر سے گزرتے ہیں، ناردن بائی پاس ٹھیک ہو جائے تو ہیوی ٹریفک شہر میں نہ آئے۔ گورنر صاحب کے اعلان کو 9 دن ہوگئے اب تک کے ایم سی اکاونٹس میں پیسے آ جانے چاہئیں تھے۔

میئر کراچی مرتضیٰ وہاب نے گزشتہ 90 روز میں 1 لاکھ 25 ہزار اسکوائر فٹ روڈ کی کارپیٹنگ مکمل کرنے کا اعلان کیا۔ انہوں نے کہا کہ 1 لاکھ 78 ہزار پور بلاک اس علاقے میں لگائے گئے ہیں۔

انہوں نے مزید کہا کہ یہاں کا نہ کونسلر ہمارا ہے اور نہ ہی یو سی چیئرمین ہمارا ہے، یہاں چائینہ کٹنگ والے لوگ بیٹھے ہیں، یو سی چیئرمینز کو فیومیگیشن مشینیں دینے جا رہے ہیں اور جتنے اراکین سٹی کونسل میں موجود ہیں، سب کو بلا تفریق چیزیں دے رہے ہیں۔

میئر کراچی نے حب کنال کے منصوبے کا ذکر کرتے ہوئے کہا کہ یہ کام 14 اگست تک مکمل ہو جائے گا۔ انہوں نے کہا کہ ہمارا وعدہ وہ نہیں جو کبھی وفا نہ ہو سکے۔

میئر کراچی نے فیڈرل بی ایریا میں ترقیاتی منصوبوں کے افتتاح کے موقع پر ازسرنو تعمیر کی سڑک کا معائنہ بھی کیا۔