پیر کے روز امریکی صدر ڈونلڈ ٹرمپ نے کولوراڈو کے سٹیٹ کیپیٹل میں اپنی پانچ سالہ پرانی تصویر پر تنقید کرتے ہوئے اسے ’بدترین‘ قرار دیا اور پورٹریٹ بنانے والے پر جان بوجھ کر اپنی شکل بدلنے کا الزام عائد کردیا۔

میڈیا رپورٹس کے مطابق ٹرمپ کا کہنا ہے کہ کولوراڈو میں کیپیٹول کی عمارت میں لگی ان کی تصویر بہت خراب حالت میں ہے۔ امریکی صدر نے ڈیموکریٹک گورنر کو سخت تنقید کا نشانہ بنایا۔

ٹرمپ نے اتوار کی شب ٹروتھ سوشل پلیٹ فارم پر پوسٹ میں لکھا کوئی بھی اپنی خراب تصویر پسند نہیں کرتا، تاہم جو تصویر کولوراڈو میں گورنر نے دیگر تمام صدور کی تصاویر کے ساتھ لگائی ہے، وہ اس حد تک بگاڑی گئی ہے جو میں نے اس سے پہلے نہیں دیکھی۔

ٹیسلا گاڑیوں کو نقصان پہنچانے والوں کو ٹرمپ نے خبردار کر دیا، بڑی سزا کا اعلان

ٹرمپ نے گورنر پر زور دیا کہ وہ اس تصویر کو فوری ہٹوائیں۔ ٹرمپ نے کہا کہ ڈیموکریٹ گورنر کو اس پر شرمندہ ہونا چاہیئے۔

ٹرمپ نے یہاں تک اکتفا نہیں کیا بلکہ انھوں نے پینٹنگ تیار کرنے والی آرٹسٹ سے بھی شکایت کی۔ ٹرمپ نے کہا کہ آرٹسٹ نے ان کی تصویر کے بر عکس سابق صدر باراک اوباما کی تصویر شان دار طریقے سے تیار کی تھی۔ امریکی صدر کا کہنا تھا کہ “یقینا خاتون آرٹسٹ عمر بڑھنے کے ساتھ اپنی صلاحیتوں سے بھی محروم ہوچکی ہیں۔ تصویر کس نے تیار کی ؟

واضح رہے کہ مذکورہ تصویر امریکی خاتون آرٹسٹ سارہ بورڈمین نے تیار کی۔

ٹرمپ کو تیسری عالمی جنگ کا خدشہ لاحق؟ امریکا کی ’گولڈن ڈوم‘ دفاعی سسٹم بنانے کی تیاری

تصویر میں ٹرمپ کے گال غیر معمولی طور پر بھرے ہوئے نظر آ رہے ہیں اور اسی چیز نے امریکی صدر کو غصہ دلایا۔