اسلامی نظریاتی کونسل کا اہم اجلاس کل طلب کرلیا گیا، اجلاس میں انسانی دودھ کے بینک کے قیام اور بغیر اجازت دوسری شادی کے سپریم کورٹ کے فیصلے پر غور ہوگا۔

اسلامی نظریاتی کونسل کا اہم اجلاس کل طلب کرلیا گیا، جس کی صدارت چیئرمین علامہ راغب نعیمی کریں گے۔

اجلاس میں خواتین کو وراثت، بجلی چوری، زکوٰۃ فنڈ کو سرمایہ کاری کی غرض سے اسلامی بینکوں میں رکھنے کا معاملہ زیر بحث آئے گا۔

اجلاس میں بغیر اجازت دوسری شادی پر پہلی بیوی کی جانب سے شادی کا معاہدہ ختم کراسکنے کے سپریم کورٹ کے فیصلے پر غور ہوگا۔

اسلامی نظریاتی کونسل کے اجلاس میں انسانی دودھ کے بینک کے قیام کا معاملہ زیر بحث آئے گا۔