پاکستان کی 6 سال کی بچی کی کرکٹ کھیلنے کی ویڈیو سوشل میڈیا پر وائرل ہوگئی جس کا موازنہ بھارتی کپتان روہت شرما کے پل شاٹ سے کیا جارہا ہے۔

پاکستان کی 6 سالہ بچی کی پر اعتماد انداز میں بیٹنگ کی ویڈیو نے کرکٹ کے دیوانوں کی توجہ حاصل کرلی۔

آئی سی سی امپائر رچرڈ کیٹل برو نے پاکستانی بچی کی ویڈیو جاری کرتے ہوئے کہا یہ بچی روہت شرما کی طرح پل شاٹ کھیل رہی ہے۔

محمد رضوان نے نسیم شاہ کا موبائل فون توڑ ڈالا، ویڈیو وائرل

بعد ازاں کرکٹ کے دیوانوں نے بھی بچی کے شاٹ کا بھارتی کپتان روہت شرما کے پل شاٹ کے ساتھ موازنہ شروع کردیا۔

وائرل ویڈیو کو سوشل شائقین کرکٹ کی جانب سے بے شمار لائکس اور تبصرے ملے، بہت سے صارفین اس کی تکنیک کا روہت شرما سے موازنہ کیا۔

کچھ صارفین نے لکھا کہ ’وہ پاکستان کی قومی ٹیم سے بہتر کھیلتی ہے۔

بی بی سی اسپورٹس اکیڈمی کی رپورٹ کے مطابق، پل شاٹ ایک کراس بیٹڈ اسٹروک ہے جو بیک فٹ سے کھیلا جاتا ہے تاکہ گیند کو ٹانگ سائیڈ کی طرف لے کر شارٹ پچ ڈلیوری کا مقابلہ کیا جا سکے۔

ہک شاٹ کے برعکس جو سر کی اونچائی پر کھیلا جاتا ہے، پل شاٹ کمر کی سطح کے گرد لگائی جاتی ہے جس سے اسے کنٹرول کرنا آسان ہو جاتا ہے۔