عالمی مالیاتی ادارے (آئی ایم ایف) نے فیڈرل بورڈ آف ریوینیو (ایف بی آر) کی درخواست پر پراپرٹی خریداری پر عائد ود ہولڈنگ ٹیکس کی شرح اپریل 2025 سے 2 فیصد کم کرنے کی جزوی رعایت دینے پر اصولی طور پر رضامندی ظاہر کر دی ہے، تاہم فروخت کنندگان پر عائد ود ہولڈنگ ٹیکس کی شرح برقرار رہے گی۔

ذرائع کے مطابق، آئی ایم ایف نے بجلی کے شعبے میں سرکلر ڈیٹ کے مسئلے کو کم کرنے کے لیے بینکوں سے 1257 ارب روپے اکٹھا کرنے کی بھی اجازت دے دی ہے۔

حکومتی ذرائع کا کہنا ہے کہ آئی ایم ایف کے ساتھ مذاکرات کا سلسلہ جاری ہے اور اسٹاف لیول معاہدے پر اتفاق رائے کے لیے حتمی کوششیں کی جا رہی ہیں۔