پاکستان اسٹاک ایکسچینج میں آج پھر تیزی کا رجحان ہے، جس کے نتیجے میں انڈیکس نے آج پھر بلند ترین سطح کو چھو لیا۔

کاروباری ہفتے کے آخری دن بازارِ حصص میں آج 389 پوائنٹس کی تیزی کے ساتھ مارکیٹ کا آغاز ہوا، جس کے نتیجے میں کے ایس ای 100 انڈیکس بڑھ کر ایک لاکھ 19 ہزار 159 پوائنٹس کی نئی بلند ترین سطح پر پہنچ گیا۔

بعد ازاں مارکیٹ میں 112 پوائنٹس کی مندی دیکھی گئی، جس سے انڈیکس گھٹ کر ایک لاکھ 18 ہزار 657 پوائنٹس کی سطح پر آ گیا۔

پی ایس ایکس میں اتار چڑھاؤ کا رجحان جاری رہا اور بعد میں انڈیکس میں ایک بار پھر 105 پوائنٹس کی تیزی آئی، جس سے 100 انڈیکس ایک لاکھ 18 ہزار 875 پوائنٹس کی سطح پر پہنچا۔

پاکستان اسٹاک ایکسچینج میں ریکارڈ سازی کا سلسلہ جاری ہے، گذشتہ 4 روز کے دوران ہنڈریڈ انڈیکس میں 4 ہزار پوائنٹس سے زائد اضافہ ہوگیا۔

پاکستان اسٹاک ایکس چینج میں تیزی کی لہر، انڈیکس ریکارڈ سطح پر پہنچ گیا

علاوہ ازیں پاکستان اسٹاک ایکس چینج ایک کے بعد ایک ریکارڈ قائم ہو رہا ہے۔ 100 انڈیکس ایک لاکھ 20 ہزار کی بلند ترین سطح پر جا پہنچا۔ سرمایہ کاروں کے وارے نیارے ہوگئے۔ کہا مثبت خبروں کی وجہ سے اسٹاک مارکیٹ میں تیزی کی لہر برقرار ہے۔

بروکرز کہتے ہیں پالسیی ریٹ میں کمی اور سونے کی قیمت میں اضافے کے بعد لوگ اپنا پیسہ مارکیٹ میں لگا رہے ہیں۔

سرمایہ کاروں کا کہنا ہے کہ معاشی اشاریوں میں بہتری کے نتیجے میں بازار میں تیزی ہے، پیسہ لگاتے وقت احتیاط سے کام لیا جائے، بازار میں پرافٹ ٹیکنگ یا کریکشن کے امکانات کو نظر انداز نہیں کیا جاسکتا ہے۔