یوٹیوب ویڈیوز دیکھ کر خود اپنا آپریشن کرنے کی کوشش کرنے والے 32 سالہ راجا بابو کو تشویشناک حالت میں اسپتال میں داخل کرایا گیا ہے۔ وہ کئی دنوں سے شدید پیٹ درد میں مبتلا تھا اور متعدد ڈاکٹروں سے علاج کے باوجود آرام نہ ملنے پر اس نے خود اپنا آپریشن کرنے کا فیصلہ کیا۔

بھارتی ریاست اتر پردیش کے ضلع متھورا سے تعلق رکھنے والے راجا بابو نے یوٹیوب پر مختلف ویڈیوز دیکھنے کے بعد ایک میڈیکل اسٹور سے دوائیں، جراحی کے اوزار، ٹانکے لگانے کا سامان اور بے ہوشی کے انجیکشن خریدے۔ بدھ کی صبح اس نے اپنے کمرے میں آپریشن شروع کیا، لیکن کچھ دیر بعد بے ہوشی کی دوا کا اثر ختم ہوتے ہی شدید تکلیف میں مبتلا ہو گیا اور چیخنے لگا۔

کچن میں گھسنے والے ’مگرمچھ‘ کیساتھ گھر کے مالک نے کیا کیا؟ویڈیو وائرل

اس کی چیخیں سن کر اہل خانہ حیران رہ گئے اور فوراً اسے اسپتال منتقل کیا۔ واقعے کی تصدیق کرتے ہوئے راجا بابو کے بھتیجے راہول نے بتایا کہ اس کے چچا نے یوٹیوب ویڈیوز دیکھ کر خود آپریشن کرنے کی کوشش کی۔

’ایلون مسک خان یوسفزئی‘: اسپیس ایک کے ارب پتی بانی کا جڑواں پاکستان میں شغل کرتے پکڑا گیا

راہول نے مزید بتایا کہ 18 سال قبل راجا بابو کی اپنڈکس کی سرجری ہو چکی تھی، لیکن حالیہ دنوں میں وہ دوبارہ پیٹ درد میں مبتلا تھا۔ جب ڈاکٹروں سے علاج کے باوجود افاقہ نہ ہوا تو اس نے خود اپنا علاج کرنے کا فیصلہ کیا۔ تاہم، حالت بگڑنے پر اسے فوری طور پر آگرہ کے ایس این اسپتال ریفر کر دیا گیا۔