بھارت کے اسٹار بلے باز ویرات کوہلی کی جانب سے ٹی ٹوئنٹی انٹرنیشنل سے ریٹائرمنٹ واپس لینے کے لیے منفرد شرط رکھ دی۔

واضح رہے کہ بھارت کے 2023 کے ٹی ٹوئنٹی ورلڈ کپ جیتنے کے بعد ویرات کوہلی نے ریٹائرمنٹ کا اعلان کردیا تھا۔ تاہم انہوں نے مداحوں کو اپنی ٹی ٹوئنٹی میں دوبارہ واپسی کیلیے اشارہ دیا ہے۔ کوہلی کی واپسی کی خبر سن کر مداحوں میں خوشی کی لہر دوڑ گئی۔

بھارتی میڈیا رپورٹس کے مطابق کوہلی نے حال ہی میں آئی پی ایل کی ایک خصوصی تقریب کے دوران پروگرام میزبان سے کہا کہ اگر بھارتی کرکٹ ٹیم 2028 کے لاس اینجلس اولمپکس کے فائنل تک رسائی حاصل کرتی ہے تو وہ اس میچ کے لیے ریٹائرمنٹ واپس لے سکتے ہیں۔

فیملی پروٹوکول سے تنگ بھارتی بورڈ پر ویرات کوہلی برس پڑے

ویرات کوہلی کی جانب سے مذاق کے طور پر کہا گیا کہ اگر بھارتی ٹیم اولمپکس کے فائنل میں پہنچتی ہے تو وہ ایک آخری ٹی ٹوئنٹی میچ کھیلنے کے لیے تیار ہیں۔

اس سے قبل کرکٹ اولمپکس میں آخری بار 1900 میں کھیلی گئی تھی۔ لاس اینجلس اولمپکس میں ٹی ٹوئنٹی ٹورنامنٹ ہونے کی توقع ہے۔

ویرات کوہلی نے میچ جیتنے کے بعد فون اٹھا کر سب سے پہلے کیا کیا؟

بھارتی اسٹار بلے باز کوہلی کا مزید کہنا تھا کہ گولڈ میڈل کیلئے فائنل میچ کھیل رہے ہوں تو اس میچ کو کھیلنے کے لیے میں خاموشی سے آ سکتا ہوں اور میچ جیتنے کے بعد میڈل لے کر واپس گھر آ جاؤں گا۔