عالمی مارکیٹ میں پیٹرولیم مصنوعات کی قیمتوں میں نمایاں کمی کے باوجود حکومت نے مقامی سطح پر عوام کو اس کا فائدہ نہیں دیا، بلکہ پیٹرول پر پیٹرولیم لیوی میں 10 روپے فی لیٹر اضافہ کر دیا گیا۔

ذرائع کے مطابق وفاقی حکومت کی منظوری کے بعد پیٹرول پر لیوی میں اضافے کا نوٹیفکیشن جاری کر دیا گیا ہے، جس کے تحت لیوی 60 روپے سے بڑھا کر 70 روپے فی لیٹر کر دی گئی ہے۔ نوٹیفکیشن کے مطابق اس اضافے کا اطلاق آج (16 مارچ) سے ہوگا۔

حکومت کا بجلی صارفین کو اضافی وصولیاں واپس کرنے کا فیصلہ

حکام کا کہنا ہے کہ عالمی مارکیٹ میں قیمتیں کم ہونے کے باوجود پیٹرول پر 15 روپے تک کمی کی گنجائش موجود تھی، تاہم لیوی میں اضافے کے باعث عوام کو براہ راست ریلیف نہیں مل سکا۔ ذرائع کے مطابق پیٹرولیم مصنوعات کی قیمتوں میں کمی کا فائدہ عوام کو بجلی کی قیمتیں کم کرنے میں منتقل کیا گیا ہے۔

آئی ایم ایف نے بجلی نرخوں میں کمی کے حکومتی پلان کو گرین سگنل دے دیا

گزشتہ رات وزیرِاعظم شہباز شریف نے پیٹرولیم مصنوعات کی قیمتیں موجودہ سطح پر برقرار رکھنے اور بجلی کے نرخوں میں نمایاں کمی کا اعلان کیا تھا۔ ان کا کہنا تھا کہ عوام کو بڑا ریلیف فراہم کرنے کے لیے حکومت ایک جامع پیکج تیار کر رہی ہے، جس کا اعلان آئندہ چند ہفتوں میں کیا جائے گا۔