مودی سرکار کے بھارت میں مقامی خواتین کے ساتھ ساتھ غیر ملکی خواتین کو بھی زیادتی کا نشانہ بنایا جانے لگا۔

رپورٹ کے مطابق حال ہی میں بھارتی شہر نئی دہلی کے جنوب مغربی علاقے میں ایک برطانوی خاتون کو 2 بار عصمت دری کا نشانہ بنایا گیا جس نے دنیا بھر میں مودی سرکار کے بھارت کا سر شرم سے جھکا دیا۔

بھارتی میڈیا کے مطابق برطانوی خاتون کو ایک بار اس کے دوست نے جبکہ دوسری بار لفٹ میں زیادتی کا نشانہ بنایا گیا۔

بھارتی حکام نے بتایا کہ برطانوی خاتون کی بھارتی شہری سے سوشل میڈیا پر دوستی ہوئی تھی۔ برطانوی خاتون اپنے دوست سے ملنے بھارت آئی تھی۔ خاتون کے دوست نے ہوٹل کے کمرے میں اس کے ساتھ زیادتی کی اور مزاحمت کرنے پر تشدد کا نشانہ بنایا۔

برطانوی خاتون کے مطابق جب وہ واقعے کی اطلاع دینے کے لیے ہوٹل کے ریسپشن تک پہنچنے کے لیے لفٹ میں سوار ہوئیں تو لفٹ میں موجود ایک شخص نے بھی ان کے ساتھ زیادتی کی۔ پولیس نے خاتون کے دوست کو زیادتی کے الزام میں گرفتار کرلیا۔

واضح رہے کہ اس سے قبل بھارتی ریاست کرناٹک میں بھی ایسا واقعہ پیش آیا تھا جب ایک 27 سالہ اسرائیلی خاتون سیاح کو 3 افراد نے مبینہ طور پر اجتماعی زیادتی کا نشانہ بنایا تھا۔