بھارت کی جانب سے مزید 2 کشمیری تنظیموں پر پابندی لگا دی گئی جس کے بعد پاکستان نے کشمیری تنظیموں پر پابندی کی شدید مذمت کی ہے۔

ترجمان دفتر خارجہ کے مطابق بھارت نے میرواعظ عمر فاروق اورعباس انصاری کی تنظیموں پر پابندی عائد کی ہے۔

’عوامی ایکشن کمیٹی‘ کی قیادت معروف سیاسی اور مذہبی رہنما میر واعظ عمر فاروق کر رہے ہیں۔ ’جموں و کشمیر اتحاد المسلمین‘ کی بنیاد ایک اور اہم سیاسی اور مذہبی شخصیت مولانا محمد عباس انصاری نے رکھی تھی، جنہوں نے 2022 میں اپنی وفات تک اس کی قیادت کی۔

انہوں نے کہا کہ مختلف سیاسی جماعتوں اور تنظیموں پر پابندی لگانا مقبوضہ جموں و کشمیر میں بھارتی حکام کے سخت رویے کی ایک اور مثال ہے۔ انہوں نے دلیل دی کہ یہ سیاسی سرگرمیوں کو دبانے، اپوزیشن کو خاموش کرنے اور جمہوری اصولوں اور انسانی حقوق کے بین الاقوامی قوانین کو نظر انداز کرنے کی کوشش کو ظاہر کرتا ہے۔

مقبوضہ کشمیر میں رمضان کے دوران فیشن شو پر ہنگامہ

ترجمان دفتر خارجہ نے بھارتی حکومت سے مطالبہ کیا کہ وہ کشمیری سیاسی جماعتوں پر عائد پابندیاں ختم کرے، تمام سیاسی قیدیوں کو رہا کرے اور جموں و کشمیر سے متعلق اقوام متحدہ کی سلامتی کونسل کی قراردادوں پر عمل کرے۔

دفتر خارجہ کے ترجمان شفقت علی خان کے مطابق بھارتی پابندی کا شکارہونیوالی کشمیری تنظیموں کی تعداد 16 ہوگئی ہے۔