کراچی ایئرپورٹ خودکش حملہ کیس میں سی ٹی ڈی نے 4 ماہ بعد کیس کا عبوری چالان عدالت میں جمع کرا دیا۔

انسداد دہشت گردی عدالت میں کراچی ایئرپورٹ خودکش حملہ کیس میں سی ٹی ڈی نے 4 ماہ بعد عبوری چالان پیش کیا گیا۔

عدالت میں جمع کرائے گئے چالان ے مطابق دھماکے میں 2 چینی باشندوں سمیت اورایک مقامی شہری کی موت ہوئی، خودکش دھماکے میں خاتون سمیت 6 افراد زخمی ہوئے۔

چالان کے متن کے مطابق کیس میں جاوید، گل نسا گرفتارہیں، شاہ فہد نے خودکش دھماکا کیا، بشیربلوچ عرف بشیرزیب، عبدالرحمان عرف رحمان مفرور ہیں۔

سی ٹی ڈی کے چالان میں بتایا گیا کہ بشیر، رحمان نے شاہ فہد کی خودکش حملے کیلئے ذہن سازی کی، گرفتارملزم جاوید نے حملے سے قبل ایئرپورٹ کی ریکی کی، گل نسا نے بارود سے بھری کار بلوچستان سے کراچی لانے میں مدد کی۔

چالان کے متن کے مطابق ھماکے کے وقت گرفتارجاوید، ساتھی سراج وقوع پرموجود تھے، دھماکے کے بعد جاوید، سراج عرف دانش ایئرپورٹ سے فرارہو گئے تھے۔ مفرور ملزمان کی گرفتاری کی کئی کوششیں کی گئیں کامیابی نہ ملی۔