پاکستان کے ترکمانستان میں تعینات سفیر احسن وگن کو امریکا میں داخلے سے روکے جانے پر دفتر کا ردعمل آگیا ہے۔ دفتر خارجہ نے سفیر احسن وگن کو ڈی پورٹ کئے جانے کی تصدیق کردی ہے۔

ترجمان دفتر خارجہ کے مطابق سفیر احسن وگن نجی دورے پر امریکا گئے تھے، تاہم انہیں امریکی شہر لاس اینجلس سے واپس بھیج دیا گیا۔ انہوں نے مزید کہا کہ معاملے کی مکمل جانچ پڑتال کی جارہی ہے اور وزارت خارجہ اس پر کام کر رہی ہے، اس لیے قیاس آرائیوں سے گریز کیا جائے۔

واضح رہے کہ گزشتہ روز سفارتی ذرائع نے یہ خبر دی تھی کہ پاکستانی سفارتکار کو امریکا میں داخل ہونے سے روکا گیا اور انہیں واپس بھیج دیا گیا تھا۔