رمضان میں چیزی چکن بریڈ رولز ایک بہترین اور مزیدار افطار کی ڈش ہے جو آپ کے افطار کو خاص بنا دے گی۔

بریڈ میں چکن اور پنیر کا لذیذ امتزاج آپ کو ایک شاندار ذائقہ فراہم کرتا ہے۔ رمضان میں روزہ رکھنے کے بعد جب آپ کو توانائی کی ضرورت ہوتی ہے، یہ چیزیں ذائقے کے ساتھ ساتھ آپ کو فوری توانائی فراہم کرتی ہیں۔ آسانی سے تیار ہونے والی یہ ترکیب آپ کی افطار کی میز پر مہمانوں اور اہل خانہ کے لیے پسندیدہ بن سکتی ہے۔

رمضان اسپیشل : عام سویوں کو خاص بنائیں

اجزاء

• چکن: 250 گرام (ابلا ہوا اور باریک کٹا ہوا)

• پنیر: 1 کپ (موزریلا یا چیڈر)

• سبز مرچ: 1 عدد (باریک کٹی ہوئی)

• لہسن: 2 جوے (کچلے ہوئے)

• پانی: 2 کھانے کے چمچ

• تیل: 2 کھانے کے چمچ

• نمک: حسب ذائقہ

• کالی مرچ: 1 چمچ

• پسی ہوئی لال مرچ: 1 چمچ

• سویا ساس: ایک کھانے کا چمچ

• چلی ساس: ایک کھانے کا چمچ

• چکن پاوڈر: حسب ذائقہ

• ڈبل روٹی کے سلائس: حسب ضرورت

ترکیب

چکن کو اُبال کر اس کے ریشے الگ کرلیں۔ پھر ایک پین میں تھوڑا سا تیل گرم کریں اور اس میں لہسن اور سبز مرچ ڈال کر 1-2 منٹ تک فرائی کریں۔

پین میں ابلا ہوا چکن، نمک، کالی مرچ، پسی ہوئی لال مرچ ڈال کر اچھی طرح مکس کریں۔ پھر اس میں تھوڑا سا پانی ڈال کر 2-3 منٹ تک پکائیں تاکہ چکن پک جائے۔ اس کے بعد اس میں سویا ساس ، چلی ساس، چکن پاردر ڈال کر اچھی طرح مکس کر لیں پانی خشک ہونے پر چولہا بند کر کے چکن ایک طرف ٹھنڈی ہونے کیے لیے رکھ دیں۔

جب چکن ٹھنڈی ہو جائے تو اس میں چیز بھی شامل کر لیںاور مکس کرلیں۔

بریڈ کے سلائس کے کناروں کو کاٹ لیں

اب اس پر چکن اور چیز کا مکسچر ڈالیں اور رول بنا کر سیل کر لیں۔

ایک پین میں تیل گرم کریں اور ان رولز کو دونوں طرف سے سنہری اور کرسپی ہونے تک تل لیں۔

جب رولز سنہری ہو جائیں تو انہیں نکال کر ٹشو پیپر پر رکھیں تاکہ اضافی تیل جذب ہو جائے۔ پھر گرم گرم رولز سرو کریں۔

مزیدار چیزی چکن بریڈ رولز تیار ہیں۔ آپ انہیں کیچپ ساتھ سرو کر سکتی ہیں۔