امریکا نے یمن کی حوثی تحریک، جسے باضابطہ طور پر انصار اللہ کے نام سے جانا جاتا ہے، کو دوبارہ ”غیر ملکی دہشت گرد تنظیم“ قرار دے دیا ہے۔ امریکی محکمہ خارجہ کے مطابق اس فیصلے کے تحت حوثیوں کے ساتھ مالی یا مادی تعاون فراہم کرنے والوں پر پابندیاں اور سخت سزائیں عائد کی جائیں گی۔

امریکی وزیر خارجہ مارکو روبیو نے بیان میں کہا کہ حوثیوں کی سرگرمیاں مشرق وسطیٰ میں امریکی شہریوں اور عملے کی سلامتی، خطے میں امریکا کے قریبی اتحادیوں اور عالمی سمندری تجارت کے استحکام کے لیے خطرہ ہیں۔

بھارتی تاجر کے کینیڈا میں خفیہ سرگرمیوں میں ملوث ہونے کا انکشاف

انہوں نے مزید کہا کہ امریکا کسی بھی ملک کو دہشت گرد تنظیموں کے ساتھ بین الاقوامی کاروبار کے نام پر روابط قائم کرنے کی اجازت نہیں دے گا۔

عرب سمٹ میں غزہ سے فلسطینیوں کی جبری بے دخلی مسترد، فلسطین میں انتخابات کرانے کی تجویز

وائٹ ہاؤس کے مطابق امریکی صدر ڈونلڈ ٹرمپ نے اس فیصلے کا عمل جنوری میں شروع کیا تھا۔ اس سے قبل بھی ٹرمپ نے اپنی پہلی مدت کے آخری ایام میں حوثیوں کو ”غیر ملکی دہشت گرد تنظیم“ اور ”خصوصی عالمی دہشت گرد“ (SDGT) کے طور پر فہرست میں شامل کیا تھا۔