بالی ووڈ میں ایک اور بڑی تبدیلی، جنوبی ہند کے سپر اسٹار اللو ارجن، جو اپنی حالیہ فلم پشپا 2 کی زبردست کامیابی کے بعد شہرت کی بلندیوں پر ہیں، اب ایک اور بڑے پراجیکٹ کا حصہ بننے جا رہے ہیں۔ حیرت انگیز طور پر، اس بار وہ سلمان خان کی جگہ لے رہے ہیں.

ایٹلی کی نئی فلم، سلمان خان کی بجائے اللو ارجن؟

خبریں گرم ہیں کہ مشہور ہدایتکار ایٹلی، جنہوں نے شاہ رخ خان کی فلم ’جوان‘ بنا کر بالی ووڈ میں تہلکہ مچا دیا تھا، اپنی اگلی بڑی فلم کے لیے اللو ارجن کو کاسٹ کر رہے ہیں۔

پہلے یہ خبریں آ رہی تھیں کہ ایٹلی اس فلم کے لیے سلمان خان کے ساتھ کام کریں گے، لیکن ذرائع کے مطابق، کچھ رکاوٹوں کی وجہ سے پروجیکٹ میں بڑی تبدیلی کی گئی، اور اب اللو ارجن نے دبنگ خان کی جگہ لے لی ہے۔

رپورٹس کے مطابق، اللو ارجن نے فلم کے لیے گرین سگنل دے دیا ہے، اور جلد ہی اس پر باضابطہ کام شروع ہونے والا ہے۔ البتہ، فلم کے باقی اداکاروں کو حتمی شکل دینا ابھی باقی ہے۔

بالی ووڈ کی مشہور فلمیں جنہیں کبھی ریلیز نہیں ہونے دیا گیا

کون ہوگی فلم کی ہیروئن؟

خبروں کے مطابق، فلم میں جھانوی کپور کو ہیروئن کے لیے منتخب کیے جانے کا امکان ہے، تاہم ابھی تک اس بارے میں کوئی باضابطہ اعلان نہیں کیا گیا۔

جب اس بڑی تبدیلی کے حوالے سے ایٹلی کے قریبی ذرائع سے پوچھا گیا، تو ان کا کہنا تھا، ’سچ کہوں تو مجھے ان خبروں کا کوئی اندازہ نہیں، لیکن یہ خبریں ہر طرف پھیل رہی ہیں۔‘

سلمان خان کی اگلی فلم کون سی ہوگی؟

جہاں اللو ارجن ایٹلی کی فلم میں جگہ بنا چکے ہیں، وہیں سلمان خان اپنی آنے والی فلم ’سکندر‘ میں جلوہ گر ہوں گے، جو ان کے مداحوں کے لیے ایک بڑی خوشخبری ہے۔

بھارت کا سب سے امیر کامیڈین، جس نے دولت میں جانی لیور اور کپل شرما کو بھی پیچھے چھوڑ دیا

کیا اللو ارجن کا بالی ووڈ میں راج شروع ہو چکا ہے؟

یہ تبدیلی واضح کرتی ہے کہ ساؤتھ انڈین فلم انڈسٹری کے اداکار اب بالی ووڈ میں بھی بڑا مقام بنا رہے ہیں۔ پشپا 2 کی زبردست کامیابی کے بعد، اللو ارجن کا بالی ووڈ میں ایک بڑے پروجیکٹ کا حصہ بننا اس بات کی نشاندہی کرتا ہے کہ وہ جلد ہی ہندی فلم انڈسٹری میں بھی اپنی دھاک بٹھانے والے ہیں۔